Bio Lokke

Home  /  Bio Lokke

Lŏkke

Lŏkke | Olatz de Andrés dantza eta mugimenduaren bidez proiektu koreografiko eta pedagogikoak sortzen dituen konpainia bat da. Konstelazio interkonektatu baten moduan lan egiten du, sorkuntza bakoitzan artista desberdinak elkartuz: dantzariak, argi, soinu eta jantzi diseinatzaileak, dramaturgoak, artista bisualak eta beste profesionalak.

Dantzari eta koreografo bezala egindako ibilbidearen ondoren, Olatz de Andrések Lŏkke konpainia sortzen du, garapen koreografikorako egitura bat. Lŏkke leku imaginario bat da, posibleak bizi diren toki bat. 

Bere proposamen artistikoetako bilaketa ez eguneroko espazio koreografikoak sortzean, gelditasuna mugimenduarekin erlazionatzean eta banakoaren eta kolektiboaren artean dagoen tentsioarekin jolastean ardazten da.

6 lilurapen:

– Mugimenduaren bidez ideiak gorpuztea eta publikoarentzat ulergarriak egitea.
– Banakoa kolektiboan barneratzen duen talde lana garatzea non lidergoa gorputz batetik bestera pasatzen testigua den.
– Detailearenganako lilura eta dantzara era pertsonalean gerturatzen diren dantzariak ezagutzea.
– Mugimendua eta gelditasunaren arteko jolasa garatzea.
– Mugimendu birtuosoa baino, mugimendu xinplez osatutako estruktura koreografiko ehunduak sortzea.
– Zientzia fikzioarekin harremana duten atmosfera eta espazioak sortzea eta zinea eta koreografiaren arteko erlazioarekin jolastea.

Bere sorkuntza batzuk: Doppelgänger (2019), The Big Game’ (2019), Eu Sou Passageiro (2018), The Endgame (2016), The Game (2015), Bardo (2015), Esfera (2015), El Cielo Ahora (2014), Privolva Landing (2013), Privolva (2011), dA CAPO (2009), Yo soy una cosa que dura (2007). Lan hauek Euskal Herrian, Espainian, Frantzian Ingalaterran, Alemanian eta Italian aurkeztu dira.

Lŏkke -rekin kolaboratu duten artista batzuk: Pilar Andrés, Isaak Erdoiza, Gabo Punzo, Sinpatron, Idurre Azkue, Natalia de Miguel, Paula Serrano, Isabel Álvarez, Elena Lalucat Mabi Revuelta, Christos Xyrafakys, Pablo Gisbert, Tanya Beleyer, Ainara Ipiña, Pedro Salgado, Jesús Robisco, Aiala Etxegarai, Natalia Garcí Muro, Robert Jackson, Marc Cano, Octavio Mas, Jamie McCarthy, Xabier Mujika…

Compañía de danza Lokke de Olatz de Andrés

Olatz de Andrés

Koreografoa, dantzaria eta arte-kudeatzailea da.

Dantza garaikidean, inprobisazioan eta koreografian trebatu zen, eta trebakuntza independentea jarraitu zuen Bilbon, Granadan, Bartzelonan, Genevan eta Londresen. Itzulpengintzan eta Interpretazioan lizentziatua da Granadako Unibertsitatean, Masterra du DMTn (Dantzan, Mugimenduan eta Terapian) Bartzelonako Unibertsitatean eta Koreografia Master bat (MA in Choreography) Londresko LCDS-The Place erakundean.

Interprete gisa lan egin du Katalunian, 2004 eta 2009 artean, honako konpainia hauetan: Deambulants, Iliacán, Antigua I Barbuda; eta honako koreografo hauekin: Benoit Lachambre eta John Jasperse

Koreografo moduan honako lan hauek sortu ditu: Yo soy una cosa que dura (2007, hautagai izan zen Kanaria Handiko Maspalomas Lehiaketan); dA cAPO (2009); Zootropo (elkar sorkuntza Antigua&Barbuda taldearekin, Bartzelona); Privolva (2011, hautagai izan zen Grenobleko (Frantziako) Reconnaisance jaialdian); Privolva Landing (1. Saria Madrilgo 2013ko 27.Koreografia Lehiaketan (Certamen Coreográfico de Madrid), eta hautagai izan zen International Choreography Competition Ludwigshafen jaialdian); El cielo ahora (2014, Circuito de Teatros Alternativos jaialdian hautatua izan zen 2016an); Esfera (2015, DSS2016, 2016ko Red A Cielo Abierto sarean hautatua izan zen); Bardo (2015, Atalak Dantzaz); The Endgame (2016). Bere lanak hainbat jaialditan aurkeztu dira Estatu mailan, Frantzian, Alemanian, Erresuma Batuan eta Italian.

2010 eta 2015 artean, bere koreografia-lana Bilboko dantza- eta sorkuntza-espazioa izan zen Muelle3-ko kozuzendaritzarekin batera landu zuen, Igor de Quadra eta Matxalen de Pedrorekin batera. Egitura horren bidez, hainbat trebakuntza-, ikerketa- eta sorkuntza-proiektu bultzatu zituzten dantzaren eta gorputzaren inguruan. Muelle3ko taldeak egindako Dantza eta Komunitatea egitasmoaren proiektuetako batzuk honako hauek izan dira: Ametsak Dantzan (2014), Gorputz Ttanttak (2015) eta Imitatzeak Merezi du (2015) Bilboko Ibarrekolanda BHIarekin batera.

Ametsak Dantzan https://vimeo.com/114759854 Bilboko Ibarrekolanda BHIarekin.

Gizaphoniak: imitatzea merezi du/merece la pena imitar (pasahitza: detres) Bilboko Ibarrekolanda BHIarekin.

Muelle3n egindako kultura-kudeaketaren lanaz gain, Olatz de Andrések Dantzabiz-en (Bizkaiko Dantza Etxearen) hasierako proiektuan lan egin zuen, AIC/IkerPartnersekin batera. ADDEko batzordeko kide izan zen 2011tik 2015era arte, eta 2015etik aurrera Kulturaren Euskal Kontseiluko kide da. 2016-2017 artean, Eusko Jaurlaritzako Dantzan Bilaka sorkuntza koreografikoko programaren Koordinazio Artistikoko Batzordeko kide izan zen.

Egun, koreografiako master bat (MA in Choreography) egiten ari da LCDS-The Place erakundean, Londresen.